Misioni i Qendrës Kulturore “Tirana” është të pasurojë, edukojë dhe argëtojë në mënyrë gjithëpërfshirëse publikun në mbarë territorin e Tiranës, me anë të eksperiencave artistike, të cilat promovojnë vlerat më të mira kombëtare dhe botërore.
Vizioni i Qendrës Kulturore “Tirana” është të prodhojë aktivitete artistike cilësore dhe inovatore për publikun e gjerë.
- Të përfshijë dhe mirëpresë publik nga të gjithë segmentet e larmishme të popullsisë së Tiranës, si në hapësirat fizike të institucionit ashtu dhe në komunitet.
- Të krijojë eksperienca artistike argëtuese për të gjitha grupmoshat për të kultivuar vlerësim dhe dashamirësi ndaj artit.
- Të promovojë strategjikisht elementët më të mirë të trashëgimisë kulturore në një kontekst bashkëkohorë dhe global.
- Të frymëzojë dhe të ndihmojë fëmijët dhe të rinjtë që ta bëjnë artin/ teatrin pjesë aktive të jetës së tyre.
- T’i japë mundësi dhe hapësira komunitetit të artistëve që ata të mund të krijojnw dhe shfaqin artin e tyre për publikun, duke promovuar shpirtin e garës dhe vlerësimin për punën.
- Të krijojë dhe promovojë një platformë të qartë edukative për secilin nga segmentet artistike të institucionit: Teatër, Ansambël, Bandë, Qendra TEN.